Ніколі ў жыцці я не суваўся у кансольныя халівары, але маё вяртанне да пакрытага пылам кампутара дзеля Total War: Warhammer апынулася настолькі феерычным, што я не магу гэтым не падзяліцца.

Вось кароткае апісанне майго мінулага вечара:

  1. Прынёс гульню, распакаваў.
  2. Актываваў яе ў Steam.
  3. Пасмяяўся над трыма дыскамі і адсутнасцю нармальнага лончара.
  4. Устанавіў гульню з дыскаў.
  5. Пасля ўстаноўкі Steam дапампаваў яшчэ 4 ГБ.
  6. Запускаю гульню праз лончар. Праграма згортваецца і не хоча разгортвацца. Кліканне і табанне не дапамагае.
  7. Паціснуў плячамі і вырашыў абнавіць драйверы.
  8. Nvidia GeForce Experience патрабуе абнаўлення. Ціскаю абнавіць.
  9. Збой абнаўлення. Патрабуецца абнаўленне Microsoft .NET Framework.
  10. Тады вырашыў спампаваць драйверы праз сайт Nvidia.
  11. Не атрымалася. Патрабуецца абнаўленне Java. Значок Java у трэі не працуе.
  12. Іду на сайт Java. Устаноўка немагчыма — несумяшчальнасць з браўзэрам Chrome.
  13. Адкрыў Firefox, спампаваў і ўстанавіў новую Java.
  14. Нарэшце, дзякуючы абноўленай Java спампаваў і ўстанавіў драйверы.
  15. Гульня па-ранейшаму не запускаецца.
  16. Звяртаюся да крайніх мераў: перазапускаю кампутар.
  17. Гульня запускаецца ў акне. Як толькі я спрабую яе разгарнуць на ўвесь экран, яна згортваецца і зноў адмаўляецца разгарнуцца.
  18. Ізноў крайнія меры: Дыспетчар задач — Пераключыццацца на задачу.
  19. Гульня, нарэшце, разгортваецца, але ў нейкай страшнай разроснасці. Я не дыхаю: трэба пратрымацца да галоўнага меню.
  20. У галоўным меню дрыжачымі рукамі выстаўляю разрознасць і іншыя налады. Прымяніць. Працуе… А за акном ужо цёмна.

Комп у мяне трохгадовай даўнасці. Па цяперашніх мерках, вядома, не топавы, але такой знявагі з ім я яшчэ не ведаў.